Emerald
"Napagod ba kayong lahat sa biyahe?" Para akong nabunutan ng tinik nang magsalita si mama mula sa aking likuran.
Mabilis namang kumilos ang kamay ni halimaw para magmano sa aking mga magulang kahit parang may kuryente pa ring namamagitan sa tinginan nilang dalawa ni papa.
Tahimik na kaming nakaupo sa sala pero nakita kong nanunuri pa rin ang mga mata ni papa sa direksyon nito. Kulang na lang tuloy lagyan ko ng piring ang mga mata ni halimaw mahinto lamang ang titigan nilang dalawa.
Shocks! Hindi ko alam kung nagsusuntukan na ba ang mga ito sa tingin kasi parang walang may gustong magpatalo sa kanila.
Wala namang imik ang mga kasama namin pero alam kong iniisip na ng mga ito kung paano kami magkakasya sa isang maliit na semi-concrete house.
"Sorry, Ma. Napadami yata ang bisita
