Emerald
Wala kaming nagawa nang sinabi ni papa na matulog muna kami sa bahay para sabay-sabay na lang kaming pupunta ng bukid kinabukasan. Kitang-kita ko naman ang inis sa mukha ni halimaw nang sinabi ni commander na samahan niya ang mga kaibigan sa kabilang kwarto habang magkasama naman kaming matutulog ni Chandria sa kabila.
Hindi ko alam kung may rambol na nangyari sa pagitan nilang apat. Basta ang alam ko, nagkaroon kaming dalawa ng heart to heart talk ni Cha tungkol sa feelings niya para kay cheesedog.
At kung pagbabasehan naman ang malikot kong pag-unawa, mukhang totoo ang nararamdaman niyang paghanga para kay Raz.
Mabuti na lang at pumayag ang mga kapatid kong makatabi muna nila sa pagtulog ang mga magulang namin. Hindi ko tuloy napigilang huwag maging emosyonal nang makita kong
