Emerald
ISANG linggo— inabot ng gano'n katagal bago nawala ang makapal na blush on na inilagay niya sa mukha ko. Sa madaling salita, lumipas ang pitong araw na wala akong ibang ginawa kung hindi manahimik sa isang tabi at maging human coffee maker ni halimaw habang abala ito sa dami ng trabaho niya sa Goddess Realm.
"Bar?" nagtatakang tanong ko bago tinanggap ang kamay nitong nasa harapan ko saka maingat na bumaba ng sasakyan.
Wala kasi itong nabanggit kung saan ang punta namin pero masama ang naging kutob ko kaninang siya mismo ang pumili ng damit na isusuot ko. At mukhang tama nga ang hinala ko kung pagbabasehan ang maingay na music na umaabot hanggang sa kinatatayuan namin.
Seryoso ang mukha niyang nakatingin sa akin habang hinihila ko pababa ang tela ng red high-slit sexy dress na
