Emerald
DAHIL sa babala ni halimaw, mas pinili namin ni Sage na bumalik muna ng bahay habang hinihintay na dumating ang pinapa-deliver nilang kubo ni Calix.
Hindi naman mawala-wala ang ngiti sa labi ko habang nasa biyahe kami dahil paulit-ulit kong naririnig ang sinabi nitong pinagkakatiwalaan niya ako at nabanggit na naman nito ang tungkol sa future naming dalawa.
"Sorry, Emerald. I guess we need to look for another parking," seryoso ang mukhang sabi ni Sage.
Halos tumayo naman ako mula sa kinauupuan ko para silipin kung bakit. At tama nga ang sinabi niya, mukhang kailangan naming humanap ng ibang puwesto dahil may nauna na sa aming isang pulang sasakyan.
"Are you familiar with that car?" nagtatakang tanong ni Sage.
Mabilis naman akong umiling.
"Hindi. Ngayon ko lang nga nakita ang
