NAKAPANGALUMBABA ako habang pinagmamasdan ang mga pagkaing inihain ni Pauline. Buhat kanina pagdating ko ay hindi ko pa rin matanggap sa sarili ko na palaging si Abby na lang ang kinakampihan ni Sir Jazz.
"Hoy! Anong kadramahan na naman 'yan?'' sita sa'kin ni Pauline.
Umiling lang ako bilang tugon.
"Sus, nagsisinungaling ka na naman!''
Hinayaan ko lang na magdaldal si Pauline. Wala talaga ako ngayon sa mood para makipagtalo. Dahil okupado ang isip ko ng mga bagay na patungkol samin'g tatlo nina Jazz at Abby.
"Matutulog na ako Pauline. Bukas na lang siguro tayo mag-usap.''
''Ano? Eh pa'no 'to? Ang dami kong inihain na pagkain? Ano, wala ka bang balak na maghapunan?''
''Busog pa ako." Tipid kong sagot.
"Haist, bahala ka nga!''
Dumiretso na ako sa aking silid. Ni-hindi ko na nagawan
