KANINA pa akong nakapangalumbaba habang nakaupo sa couch dito sa sala. Hanggang ngayon kasi ay hirap pa rin akong i-proseso sa utak ko ang mga sinabi kahapon ni Mr. President.
"Hoy, linggo ngayon friendship! Hindi biyernes santo!" sita saakin ni Pauline matapos nitong umupo sa tabi ko.
"Alam ko." Walang buhay na sagot ko.
"Ano, malungkot kapag weekends kasi wala si Papi Jazz?"
"Tumigil ka nga! Grabe ka sa'kin huh!" naiinis na singhal ko dito.
"Sus, aminin mo man sa'kin o hindi, alam kong si Jazz naman talaga ang nasa isip mo ngayon."
"Oo na! Tama ka, si Jazz nga!" napipilitang pag-amin ko sa kanya.
"Hmm...bakit, nag-away na naman kayo?"
"Hindi. Kinausap kasi ako kahapon ni Mr President. Katulad mo ay iginigiit rin niyang may gusto sa'kin si Jazz."
"Tsk...see? Kahit 'yong ama niya
