Isang umaga ay nagising si Desiree sa kakaibang pakiramdam, nasusuka siya at nahihilo. Ilang beses sinubukang tumayo ngunit umiikot ang kaniyang pakiramdam. Kaya inabot ang mobile phone at tumawag sa kaniyang secretary, sinabing hindi muna siya papasok kaya kanselahin na ang ilang appointment. Bumalik sa higaan at pumikit ngunit talagang bumabaliktad ang kaniyang sikmura. Kaya’t pinilit na bumangon at humawak sa wall para makapunta ng banyo. Doon ay sumuka ng sumuka, halos mawalan siya ng lakas matapos mailabas lahat ng kinain.
Ngayon ay nakaramdam siya ng takot, kailangan niya na magtungo sa clinic para malaman ang dahilan. Ano ang kaniyang gagawin kung buntis pala siya at paano niya ito maitatago sa nobyong si Nathan. Sa klase ng pag uugali nito ay hindi tatanggapin ang kalagayan niya.
