Tatiana
“OKAY NA po ba sa inyo ang apartment unit na ito?”
Pinagmamasdan ko ngayon ang isang apartment unit kung saan ko naisipan na lumipat. Naghanap ako sa lalong madaling panahon para makaalis kaagad sa bahay ni Chaos. Hindi ko na pinili na manatili sa hotel dahil pakiramdam ko ay kapag ginamit ko ang card ko, mate-trace ako ng pamilya ko.
“Yes, this is habitable enough.” Hindi rin naman ako mapili sa lugar. Basta at matitirhan, okay na sa akin.
Nakausap ko ang landlady. May pagkamadaldal siya dahil kahit nakikita ko naman ang lahat ng gamit dito sa apartment ay pinapaliwanag niya pa isa-isa.
Inilabas ko ang pera at ibinigay sa kanya. Natahimik ang babae at tiningnan ang perang inabot ko sa kanya.
“That’s my p*****t. 1 month advance and deposit.” May kinuha pa akong sampung libo s
