Tatiana
MALAKAS ang pagpuntok ng baril na hanggang ngayon ay umaalingawngaw iyon.
Nanatili akong nakatingin sa buhangin na ngayon ay nabahiran na ng dugo. Nagtaas ako ng tingin sa lalaking kaharap ko. May dugo na rin sa kanyang bibig hanggang sa dahan-dahan siyang bumagsak sa buhangin.
Nabitawan ko ang baril at tinitigan ang ngayon ay wala nang buhay na katawan ng lalaki.
Tumingin ako sa direksyon kung saan pumutok ang baril at doon ko nakita na nakatayo si Chaos. May hawak din siyang baril at umuusok pa ang bunganga nito, patibay na siya ang nagpaputok nito.
Mabilis na lumapit sina Abel sa katawan ng lalaki. Pinagmasdan nilang mabuti ang mukha ng lalaki. Lumuhod si Abel upang tingnan ang pulso ng lalaki, ngunit sa huli ay umiling lamang ito dahil wala na iyong buhay.
Lumapit si Chao
