Lizzy's POV
"Siguraduhin mo lang na makakauwi siya ng ligtas naku sinasabi ko talaga sa'yo." Ang pagbabanta pa ni Monica kay Joaquin dahil pumayag nga ako na magpahatid na.
"Naman babae, sinisigurado ko sa'yo hindi mapapahamak yan si Lizzy." Ang sagot naman nito sa kanya.
"Huwag kang mangako, gawin mo, sinasabi ko talaga sa'yo, umayos ka!" Ang pagsisiguro pa ni Monica.
"Sabihin mo mami-miss mo lang ako, don't worry saglit lang naman ako mawawala, babalikan din kita agad." Ang pambobola pa ni Joaquin sa kaibigan ko.
Napapailing na lamang ako sa dalawang ito, at ilang saglit pa ay tumayo na kaming dalawa nagpaalam pa ko kay Monica bago maglakad, at sumama kay Joaquin.
Habang naglalakad papuntang parking area ay tinanong ko pa si Joaquin kung talagang bang okay lang na ihatid niya ako.
