Tahimik lamang sila sa kotse habang pabalik ng resort ni Mr. Tantico. Wala silang kibuan, si Jayson kahit kanina pa nais kausapin si Leslie hindi niya magawa. Iniisip niya kung ano ba ang nagawa niyang mali dito bakit bigla-bigla nag-iba ang timpla nito.
Nangangamba siyang baka makarating kay Charlotte ang naganap sa kanila, kahit naman may asawa na si Charlotte gusto niya na hindi masira ang image niya dito. Kailangang makagawa siya ng paraan para makausap ito, o magkaayos sila ngunit hindi niya alam kung papano niyang sisimulan dahil tila ayaw na ni Leslie na kausapin pa siya.
Ilang sandali lamang narating na nila ang bahay ni Mr. Tantico. Ang katiwalang nakasama niya kagabi ang sumalubong sa kanila.
"Nasan si Mr. Tantico Manong? Magpapaalam na sana ako ei, babalik na rin ako ng Ma
