Luca’s POV
Kanina sa Japan restaurant, nakita kong hindi nagalaw ang pagkain niya kaya naisipan kong ipagluto na rin siya ng ulam at kanin. Madalas kong mabasa sa mga comment ng mga fans niya na favorite ni Kylo ang adobong manok. Kaya naman adobong manok ang niluto ko sa kaniya ngayon. Mabuti na lang at madalas akong manuod kay Manang Rosita, kapag nagluluto ito noon sa kusina namin. Dahil sa kaniya ay natuto akong magluto ng mga pagkain. Kahit bata pa lang ako noon ay maalam na ako sa kusina. Nitong lumaki lang ako umiwas sa kusina dahil ayaw ni mama na gumagawa ako sa mga gawain daw dapat ng mga kasambahay.
Pagkatapos kong magluto ay naghain ako ng maganda sa hapagkainan. Tutal ay hindi pa naman ako tapos sa pagluluto ng iba pa naming pulutan ay mas maganda siguro kung kakain muna siy
