Hindi ko alam kung gaano katagal na akong nananatili sa loob ng compartment dahil tuloy-tuloy lang naman ang pag-andar ng kotse at hindi man lang huminto! Ngawit na ngawit na ako mula sa kinahihigaan ko at kanina ko pa gustong iunat ang mga hita ko.
Ilang sandali pa ang lumipas nang maramdaman ko ang pagbagal nito hanggang sa tuluyan na nga itong huminto.
Kaagad napaangat ang ulo ko nang maramdaman ko ang pagbubukas-sara ng pinto nito sa labas.
Muling lumakas ang kabog ng dibdib ko at pinakiramdaman ang paligid. Ngunit bigla akong nasilaw sa liwanag na tumama sa aking mukha nang bigla na lamang bumukas ang pinto ng compartment!
Kaagad kong tinakpan ang mga mata ko.
"Ano namang ginagawa mo d'yan?"
At gano'n na lang ang paninigas ko nang marinig ko ang tinig ni Sir Gabriel.
Kaagad
