Hindi na ako nagtaka nang sabihin ni Niko na may pupuntahan kami pagkatapos ng party ni Carl. Sinabi ko naman na dadaan lang kami ng bahay at may kukunin lang ako.
Importanteng mga bagay.
Napangiti ako nang pumayag siya. At 'yun ang naging pagkakamali niya sa buong buhay niya!
Pinahintay ko lang siya sa loob ng kotse pagkatapos na sabihin na mabilis lang ako. Nakangiting tumango siya habang may ka-text sa cellphone. Ni hindi man lang ako sinulyapan pagkatapos kong umibis sa kaniyang sasakyan.
Sayang, huling pamamaalam ko na pa naman 'yun na maririnig niya.
Dali-dali kong binuksan ang pinto at tinungo ang kuwarto ko. Pagkatapos na buksan ang ilaw, nakatikom ang bibig na binuksan ang kabinet at naghanap ng puwedeng pamalit. Nakakita ako ng dress na bagay na bagay sa okasyong ito.
Tin
