See You in Hell

"Winona Montelibano, 21, Quezon City. I really wanted to be an actress kaya ako sumali sa pa-contest na 'to." "Sidney Lapuz, 21, Bulacan. Gusto ko lang matupad yung gusto ng Mama ko na maging sikat ako kaya ako sumali dito." "Andrea Saturno, 22, Makati City. Sumali ako dito para ipakita sa lahat na yung batang babae na binubully nila noon dahil sa katabaan nya, ay sexy na ngayon. At lahat ng mga kasali dito, tatalunin ko. That is all, thank you." "Monica Dela Cruz, 21, Batangas City. Kailangan ko ng pera kaya nandito ako. Masyado nang mahirap dito sa Pilipinas at ganito na lang yung madadaling paraan para magkapera. "Ysabelle Gutierrez, 21, Laguna. I---" Nakangiti kong pinatay yung video na nasa harap ko dahil nabubwisit ako sa mga boses nila. Baka hindi nila magustuhan kung ano yung gagawin ko kapag tuluyan akong nainis sa kanila. Isa-isa kong ikinalat sa harap ko lahat ng mga litrato ng mga babaeng sumali dito sa patimpalak na 'to. Marami na talagang kababaihan ngayon ang mas gugustuhing sumikat kesa magkaroon ng katahimikan yung mga buhay nila. Mas gugustuhin nila na may mga fans na nagkakandarapa sa kanila kesa sa maging simpleng mamamayan lang. Oh well, pasasaan ba at magiging sikat naman talaga sila. Lalo na kapag nakita na ng mga tao kung papa'no ko sila iisa-isahing kitlan ng buhay. Gusto ko ring makita kung sino sa kanila yung susuko na lamang at kung sino yung lalaban hanggang sa huli. At mas lalo akong napangiti nang makita yung isa sa mga litrato na matagal-tagal ko na ring hinanap. "Nagbago ka pa talaga ng pangalan, Joanna. Akala mo naman makakalimutan ko yang pagmumukhang yan. Ang tagal kong hinintay 'tong pagkakataong 'to. Ngayong nakita na kita, sisiguraduhin kong mararanasan mo kung papa'no mabuhay sa impyerno." sa pagkakataong ito, alam kong nag-aapoy yung mga mata ko habang nakatitig pa rin sa litratong hawak-hawak ko. Nang magsawa na ako sa pagmumukha nya, punung-puno ng galit na ibinalik ko na lang ulit yung litrato nya kasama ng ibang mga kandidata. Humahalakhak na lumabas na rin ako sa kwartong iyon. "I'll see you in hell, bitches!"