Nang dumating kami sa bahay ng mayor ay sobrang daming tao sa malawak nitong bakuran.
Natitiyak ko na mabuting tao talaga ito dahil napapansin kong mga simpleng tao ang karamihan sa mga nanditong bisita. Medyo nasanay kasi ako na kapag ganitong pagtitipon at nagdadaos ng salo-salo ang isang kilalang tao ay pawang ka-level din niya iyong mga panauhin, pero iba iyong nakikita ko ngayon.
Pantay-pantay ang nakukuhang treatment ng mga karaniwang tao at iyong mga halatang may sinasabi sa buhay.
Agad ko ring natanaw ang host nitong party na katawanan ang ilang mga bisita. Halatang hindi naman pakitang-tao ang ginagawa niya ngayon dahil ganitong-ganito rin siya no'ng ilang beses na nagtagpo ang landas namin.
Wala siyang pinipiling kausap, mas nauuna pa nga siyang bumati sa bawat nadadaanan ni
