Ronoel
HANGGANG ngayon ay lutang pa rin ako at wala sa sarili. Hindi na yata ako naalala ni Bryson. Nakalimutan n'ya siguro na girlfriend na n'ya ako, at boyfriend ko na s'ya. Hanggang ngayon kasi ay hindi pa rin s'ya nagte-text sa akin. Dinala ko na nga ang cellphone ko sa counter upang maya't-maya ko itong mai-check. Muli kong sinilip ang cellphone, ngunit nadismaya lamang ako. Napabuntong-hininga na lang ako ng malalim dahil wala pa rin text mula sa kanya.
"Ang lalim n'on besh, a?! May problema ka ba?" Nagulat ako sa biglang pagsasalita ni Glodie. Napahawak pa ako sa aking dibdib. Mas lalo tuloy bumilis ang t***k ng puso ko dahil sa nerbyos.
"Ano ka ba naman, besh? Nagulat ako sayo!" Singhal ko sa kanya. Napansin ko ang pagtingin ng mga tao sa amin. Napalakas kasi talaga ang boses ko
