“Would you like to scream more, Olivia?”
Awtomatiko ang pamimilog ng mga mata ng babae at tila ito kunehong nabahag ang buntot at kumaripas ng takbo palayo. Ang tapang-tapang nito kanina at kulang na lang ay sulsihan niya ang bibig nito para lang mapatahimik ito sa walang kabuluhan nitong pinagsasabi tungkol kay Hades. Iyon pala ay tatakbo na lang agad ito wala pa mang ginagawa rito ang Boss ng Mafia.
Napatingala siya sa mga mata ni Hades. May nakakatakot na talim sa mga mata nitong iyon na nakatanaw pa rin sa likod ni Olivia. He was a mad man. Fierce. Uncontrolled.
Pinisil niya ang kamay ng lalaki kaya napayuko ito sa mukha niya. Lumambot agad ang kislap sa mga mata nito nang siya na ang tinititigan. “Yes, kitten?”
“Kung may iniisip kang gawin kay Olivia, huwag mo na lang sanang itu
