Nagising si Proserpina nang makapa niyang bakante ang espasyong kinahihigaan kanina ni Hades. Nagmulat siya ng mga mata at hinila ang sarili paupo saka lumingap sa kabuuan ng malaking kuwarto. Wala roon si Hades at mag-isa lang siya. Bumaba siya ng kama at ibinalot ang sarili sa itim na robang yari sa seda. Lumabas siya ng silid at tahimik na binaybay ang madilim na pasilyo. Nang makita niyang bukas ang ilaw sa home office ni Hades ay nakahinga siya nang maluwag.
Sa ganitong oras ay nagtatrabaho pa rin ito. He really was a workaholic. Nahiga lang siguro ito sa tabi niya kanina para siguruhing makakatulog siya agad, bago ito lumabas.
Napabuntong-hininga siya at tumungong kusina. Nagtimpla muna siya ng mainit na gatas bago bumalik sa tapat ng home office nito.
Kumatok siya ng tatlong bese
