"So, what's your plan now, Aries and Leonora?" tanong ni Lewis kinabukasan. Nasa hapag silang lahat para sa almusal nila.
"Kung ako ang masusunod ay uuwi na tayong lahat sa Pilipinas. Subalit naisip ko ring nandito pa si Senyor Fernando. Hindi rin naman puweding isantabi lamang siya dahil wala ang mahal ko kung wala siya," agad na saad ni Aries Dale.
"Teka lang, Kuya Aries, bakit Senyor Fernando pa rin ang tawag mo? Diba dapat Papa na rin dahil magiging mag-asawa na kayo ni Ate Leonora." Napatingin tuloy si Janina sa pinsan dahil sa paraan nang pagtawag ng pinsan sa biyanang lalaki.
"May tama ka at may mali, Iha. Tama ka sa magiging mag-asawa na sila oras na naisagawa ang kasal subalit mali ka dahil ikaw na rin ang nagsabing magiging mag-asawa pa lamang sila," nakatawang pahayag ni Lewi
