BOLCT-9
Marinel
PARA akong nakuryente sa hindi sinasadyang paghaplos ng palad ni Enzo sa likuran ko. Tinulungan niya kasi akong isukbit ang aking seat belt. Naiilang man pero pinilit kong maging kalmado.
"Dinala mo ba lahat ng gamit mo?" tanong pa nito sa akin at bahagyang ngumiti.
"Oo," nag-aalangan ko pang sagot.
"Good to hear that," sagot din naman nito.
Panandalian din kaming natahimik.
Hindi pa man kami nakakalayo sa apartment na inuupahan ko ay huminto na lamang bigla ang kotse. Pareho kaming dalawa ni Enzo na napatingin kay Andy.
"Anong problema?" tanong ni Enzo kay Andy.
"May hihintayin pa tayo saglit," anito.
Nagkatinginan kami ni Enzo at parehong kumikit-balikat. Tatlong minuto rin ang lumipas nang biglang may kumatok sa bintana ng kotse. Pinagbuksan naman ito agad ni A
