"Arthur, may balita ka na ba tungkol kay Maria?" tanong ni Brix sa kaniyang bodyguard, isang umaga nang ipatawag niya ito sa kaniyang opisina.
"Mahigit anim na taon na boss. Ang tagal na rin simula ng nawala si Maria. Wala naman makapagsabi sa akin kung nasaan na siya. Nagtanong ako sa kaibigan niya sa Alekzander University noon pero wala raw siyang alam kung saan ito pumunta matapos mag-drop out sa school. Sinubukan ko rin na magtanong sa mga Montoya, hindi rin daw nila alam kung nasaan na si Maria ngayon. Sa tingin ko boss, nagpakalayo-layo na siya at wala ng balak pang magpakita," tugon nito.
"Tama naman ang naging desisyon niya na umalis, alam kong sobra ko siyang nasaktan. Gusto ko lang sanang malaman kung okay lang ba siya at kung nasa mabuti ba siyang kalagayan? Mapapanatag na ako
