Winston’s pov
MULA nang may mangyari sa kanila ni Sue ay hindi na mawala sa isipan niya ang babae. Palagi niya itong tinatawagan pero pinamumukha sa kanya ni Sue na mali ang nangyari sa kanilang dalawa. Alam niyang may gusto sa kanya si Sue at alam niya rin kung ano ang pumipigil sa babae. Iyon ay ang kanyang trabaho. Ang kaugnayan kay Feonna. Aaminin niyang nasasaktan siya sa tuwing na pinamumukha sa kanya ni Sue kung anong uri ng lalaki siya. Matagal na siyang nagbago. Ang trabahong iyon ay matagal na niyang kinalimutan. Kung may babae man siya iyon ay si Feonna.
Gusto niyang kalimutan si Sue. Hindi niya kailangang ipilit ang sarili kung ayaw nito sa kanya. Masasaktan lamang siya kung ipipilit niya ang gusto. Napailing siya upang alisin sa isipan ang babae. Minabuti niya
