Winston’n pov
ALAM niyang nabigla si Feonna nang tawagan niya ito pero buo na ang kanyang desisyon. Ang makipaghiwalay sa babae. Gusto niyang magbago. Hindi lang para kay Sue kundi para na rin sa sarili. Akala niya ay kontento na siya sa kanyang buhay pero nang dumating si Sue sa kanyang buhay ay tinuruan siya nito kung paano mangarap. Ang magkaroon ng sarili pamilya at hindi niya iyong magagawa kung hindi siya aalis sa buhay ni Feonna.
Akala niya ay pupuntahan siya ni Feonna. Muli siya nitong tinawagan at pinapunta sa sa bahay nito kaya agad niyang tinawagan si Sue upang ipaalam dito ang gusto ni Feonna.
“Sigurado ka ba talaga sa gusto mo?” tanong sa kanya ni Sue sa kabilang linya nang sabihin niyang makikipaghiwalay na siya kay Feonna.
“Buo na ang pasya ko,” wika
