"Kumusta ka naman? Sorry wala ako sa tabi mo nitong mga nakaraang araw," may lungkot sa tinig na sambit ni Ella. Ngumiti ang dalagang si Emma at pilit na itinato ang lungkot na nararamdaman dahil sa nakikitang hitsura ng kanyang kaibigan. Ilang araw na ba magmula ng huli silang magkita? Iisang club lang ang kanilang pinagtatrabahunan at iisang apartment lang kanilang tinitirahan pero madalas ay hindi niya ito makita at makasama. Palagi ay wala ito at sumama sa iba.
"Ano ka ba? Wala 'yon. Naintindihan ko naman ang sitwasyon natin. Ikaw, kumusta na? Anong pinagkaka-abalahan mo at mukhang napaka-abala mo nitong mga nakaraang araw?" Pabalik na tanong ni Emma. Laking pasasalamat talaga nito at wala ang kaibigan niya sa mga gabing nagdaan dahil ayaw niyang masaksihan ang pag bagsak ng langit a
