"Kitty, pwede ka nang maki-table sa mga kustumer," walang ganang saad ng may edad ng bakla na tinatawag nilang Mamse. Pagkatapos bitawan ang mga salitang iyon ay kaagad na siyang tumalikod sa dalaga na natigilan sa pag-aayos ng kanyang mukha at naiwang nakabuka ang bibig. Ilang segundong naging tulala ang dalaga na tila ba nagulat sa pasabog ng kanilang Manager.
"Tama ba ang narinig ko?" Pabulong at hindi makapaniwalang tanong ni Emma sa hangin. Hindi makagalaw dahil talagang hindi niya inaasahan ang narinig.
"Mamse, sandali. Anong ibig mong sabihin na pwede na? Ano? May permiso ka ba galing kay pogi? 'Di ba nga bayad na ang serbisyo niya? Paanong nangyari na pwede na siyang..." maagad na saad ni Ella na unang nakabawi mula sa pagkakagulat. Maski ang kaibigan niya ay tila ba hindi rin
