"Bakit gano'n? Bakit pakiramdam ko ay nagtatampo ka sa akin dahil kanina ka pang walang kibo," bulong ni Xander habang pilit na hinuhuli ang mailap na mga mata ng dalaga. Napansin ng binata ang mas lalong pag diin ng mga ngipin ng dalaga sa kanyang pang ibabang labi kaya napabuntong hininga ito.
"Hindi mo kailangang magkunwari at itago ang totoong saloobin mo. Ilabas mo kung galit ka sa akin dahil sa ginawa ko. Sigawan mo ako. Sampalin mo ako kung iyon lang ang magpapagaan sa kalooban mo. Pero nakiki-usap ako, please, huwag kang ganyan sa akin. 'Di ko nagugustuhan ang pananahimik mo," aniya pa nito gamit ang nagmamakaawang tinig. Mas lalo pang napayuko ang dalaga na wala pa ring imik. Tila ba hindi niya narinig ang pagmamakaawa ng binata para lang kausapin niya ito.
"Baby, please.
