"Xander, alam kong wala akong karapatan para magtanong sa personal mong buhay. Pero habang nakatitig sa'yo ngayon ay hindi ko alam kung ano ang mararamdaman ko," madamdamin na saad ni Emma habang nakatitig sa mukha nito na puno ng pasa. Umiling si Xander at saka sinapo ang mukha ng dalaga.
"Ayos lang ako. Nagkasagutan lang kami ni Tatay kaya nabugbog ako. Sinagad ko yata ang pasensiya niya para nagawa niya ito sa akin," sagot nito. Napakagat ng pang ibabang labi si Emma dahil nag-aalinlangan siyang tanungin ang bagay na gumugulo sa isipan niya. Pero sa huli ay kusa pa ring bumukas ang bibig niya at lumabas doon ang tanong na hindi dapat niya tinanong.
"Ako ba ang dahilan kaya siya nagalit sa'yo?" malungkot na tanong nito. Nang maramdaman ni Emma ang panunubig ng mga mata ay napayuko n
