Nagising sa isang umaga si Emma na dala ang magaan at masayang pakiramdam. Gising na gising na ang diwa niya pero nananatiling nakapikit pa rin ang kanyang mga mata. Hindi niya masasabi kung may nagbabago na ba sa relasyon nila ng binata pero sigurado siya na sa mga araw na dumaan ay ramdam niya ang pag-iingat, pag-aalaga at nagpapahalaga ni Xander sa kanya. Ayaw man niyang umasa pero kusa nang umaasa ang marupok niyang puso dahil sa mga magagandang katangian na pinapakita nito sa kanya.
"Xander," inaantok ang tinig ni Emma na mahinang tinawag ang pangalan ng binata. Nang hindi niya narinig na sumagot si Xander ay saka pa lang bumukas ang mga mata ni Emma. Agad na nangunot ang noo ng dalaga nang makitang wala na sa tabi niya ang binata. Mas nangunot pa ang noo nito nang ipinalibot ni
