MAY kalaliman narin ang gabi at hindi parin dalawin ng antok si Portia. Hanggang ngayon laman parin ng isip niya ang pinag-usapan nilang dalawa ni Alvin kanina at hindi talaga niya maialis ang makaramdam ng matinding guilt dahil doon. Naaawa siya sa binata. Alam niyang mabuti itong tao at deserve na maging masaya at makahanap ng babaeng makakasama nito habang buhay, pero sa kasamaang palad kahit pa sabihing pinili siya nito ay hindi naman niya maibibigay ang bagay na iyon sa binata kahit na kailan. At iyon ang nagpapabigat ng labis sa pasanin niya. Pakiramdam tuloy niya kasalanan niya kapag hindi naging masaya si Alvin sa buhay nito.
"Ano kaya kung kausapin ko si Vincent na mag-pretend as boyfriend ko? Tutal nag-offer naman siya na lagyan namin ng title ang nangyayari sa amin. Ang pinagka
