“HINDI ko man gusto aba’y wala naman na akong magagawa hindi ba?” hindi alam ni Vincent kung ano ang mararamdaman niya dahil sa sarkastikong pananalitang iyon ni Tita Cecil.
Araw iyon ng Sabado, isang linggo bago ang araw kung kailan nakatakda ang kasal nila ay pormal na namanhikan si Vincent kina Portia kasama ang matalik na kaibigan niyang si Stephen.
Nang mga panahong iyon kasi ay nasa Hong Kong si Vicente para sa dalawang linggo nitong seminar doon na hindi na maaaring ipagpaliban. Bukod pa roon ay mas gusto niyang ipakilala si Portia sa kanyang ama kapag nasabi na niya sa dalaga ang totoo tungkol sa tunay niyang pagkatao.
Ang totoo ito ang unang pagkakataon na ginawa niya ang ganito. At sa lahat ng babaeng nakarelasyon niya ang pamilya lang ni Portia ang talagang hinarap niya. Hin
