MULA sa malayo ay naghihimutok ang kaloobang pinagmasdan ni Ingrid ang halikan ng mag-asawang Vincent at Portia. Nakangiti pang kinawayan ng huli ang una bago ito tumalikod para pumasok sa entrada ng bangkong pinapasukan.
Hindi niya maunawaan kung bakit nagkakaganito siya gayong patuloy parin naman ang pagiging pirming kalaguyo niya at wala siyang planong tumigil sa ngayon.
Pinatakbo niya ang sasakyan niya. Malaki ang kutob niyang hindi alam ng babaeng ito kung sino si Vincent dahil kung sakali, bakit sa condominium ito nakatira at hindi sa mansyon kasama ang ama ng dati niyang karelasyon?
Hindi rin naman siya ipinakilala ni Vincent sa ama nito pero alam niya ang lahat tungkol rito.
Hindi rin siya kahit minsan dinala ni Vincent sa condo nito at iyon ang isa pang ikinasasama ng loob ni
