HINDI malaman ni Portia kung maiinis o matatawa siya sa tanong na iyon ni Vincent. Pero sa huli ay hindi rin niya napigilan ang pagpunit ng isang amuse na ngiti sa kaniyang mga labi dahil sa ipinakikitang paraan ng paglalambing na may halong kakulitan ng asawa niya.
Ngayon lang kasi niya nakitang ganito si Vincent. Iyon ay sa kabila ng katotohanan na sa loob ng ilang buwan ay nagsama rin naman sila nito sa ilalim ng iisang bubungan matapos nilang maikasal.
"Ano bang sinasabi mo? Pinayagan na nga kita na dito magpalipas ng gabi, tapos nag-agree na ako na matulog sa tabi mo, tapos ngayon gusto mo pa ng kiss?" aniyang nagsasalubong man ang mga kilay ay hindi parin talaga niya mapigilan ang nararamdaman niyang kilig at amusement. Pero kahit pa ganoon ay pilit parin niyang maging normal ang t
