"GUSTO mo bang pumasok muna sa loob? Magkape ka muna?" nang ihatid siya ni Vincent isang gabi ay iyon ang inialok ni Portia sa kaniyang nobyo.
Iyon ang unang gabi na mag-isa siyang matutulog doon dahil nga wala si Tita Cecil at nasa Tagaytay.
"O sige," sagot ng binata sa kaniya saka pinatay ang engine ng sasakyan nito.
Nang makapasok ay kaagad niyang ipinagtimpla ng kape ang binata. Pagkatapos noon ay nagtuloy na siya sa kaniyang kwarto matapos magpaalam sa kaniyang nobyo na maliligo lang sandali.
"May pagkain nga pala diyan sa ref, gusto mo bang initin ko saka magsasaing narin ako kung nagugutom ka?" ang agad niyang naitanong sa binata nang makalabas siyang sinusuklay pa ang basa niyang buhok.
Simpleng pambahay na shorts at tshirt lang ang suot ni Portia pero hindi niya maintindihan
