"May bago raw tayong kasamang katulong?"
Habang nakatambay ako sa may sofa sa second floor ay hindi ko maiwasan na hindi makinig sa usapan ng iba rito. Malakas ang loob nilang mag-usap kasi akala siguro nila ay nasa kwarto ako. Wala rin naman ibang tao rito bukod sa amin at kay El Diablo.
"Na-meet ko na nga siya kanina e," sabi ng guard na isa, boses lalaki. "Napakaganda niya. Akala ko nga girlfriend ni Sir Jaxx e. Nag-apply pala bilang katulong. At dahil maganda nga siya ay kinuha agad ng secretary ni Sir Jaxx."
"Sus, hindi ako maniniwala hanggang hindi ko nakikita," sabi ni Manang Fe. Kilalang-kilala ko na ang kanyang boses dahil siya ang lagi kong kasama.
Nang dahil lang sa isang babae ay nagkakagulo na sila. Paano kaya kung si Jaxx? Playboy kaya ang isang iyon? Matutuwa kaya siy
