Kabanata 9
SOBRANG dilim na ng karagatan nang nasa laot na ang barko. Rinig na rinig ni Angel ang sobrang lakas na hangin. At halos sumasayaw na sila dahil sa malalaking alon. Labis siyang kinakabahan para sa kalagayan ng dalawang bata. Hindi sanay ang mga ito kung kayat naghahawakan ang magkapatid.
Habang taimtim siyang nanalangin ay may isang lalaking crew ang lumapit sa kanila. May dala itong tatlong life jacket. Mas lalo pang kinabahan si Angel.
“Kailangan niyo pong magsuot ng life jacket,” ani ng lalaki.
“Sobrang sama ba ng panahon?”
“Yes, Ma’am… sumama po kayo sa akin at dalhin ninyo ang mga bata.”
Napalunok ng laway si Angel. Bago paman sila sumunod sa crew ay naisuot na nila ang binigay nitong life jacket.
Nagtungo sila sa pinakaitaas na bahagi ng barko doon ay may mga lifeg
