Kabanata 10
DALAWANG araw nang nakahiga si Angel sa kama mula nong naaksidente sila. At sa dalawang araw na iyon ay mga bangungot ang pumasok sa kanyang isipan. Hindi niya alam kung nakaligtas ba si Cedrix at Ruel. O hindi kaya tuluyan na silang iniwan ng bata? Huwag naman sana. Ngunit sa ganoong kalagmkas na alon ay bihira lang ang makaligtas niyon.
"Mama, can you walk now?" tanong ni Stanley. Hindi siya iniwan ng bata mula nong nakarating sila sa lugar na ito. Ang sabi ng bata ay wala sila sa ospital at nasa loob sila ng malaking mansion. Hindi pa rin nakakausap ni Angel si Myla tungkol kay Homer. Kung bakit kilala nito ang lalaki.
"Susubukan ko, Stanley. Puwede ba akong humawak sa balikat mo?"
"Sure, Mama."
Dahan-dahang bumangon si Angel. At nagawa niya naman. Malakas na ang ka
