GWYNETH'S POV
TINUNGGA KO ang bote na may lamang alak atsaka pabagsak na ibinaba iyon sa lamesang nasa harap ko. Hindi pa man nag-iinit ang puwetan ng bote sa lamesa ay muli ko itong kinuha at tinungga hanggang sa maubos ang laman.
Nakaka-ilang bote na ako pero pakiramdam ko, kulang pa rin iyon. Kulang na kulang para mawala ang sakit na nararamdaman ko. Halos gawin ko na nga itong tubig at juice pero hindi pa rin umi-epekto ang alak sa akin. Naaalala ko pa rin. Nababaliw pa rin ako habang nagpapaulit-ulit sa tainga ko ang mga tawa niya.
Bakit ang tagal naman umepekto ng walang hiyang alak na ito? Noong araw na hindi ko kailangan ng epekto niya sa katawan ko, ayun naman ang araw na tinamaan ako. Bakit ngayon na kailangan ko ng epektong iyon, bakit hindi pwede? Bakit hindi ko nararamdama
