Gusto ko na lang matawa ng sumagi na naman sa isip ko ang nangyari noong mga nadaan na linggo. Hindi pa rin ako makapaniwala na natakasan ako ng isang taong kakagaling lang sa aksidente at ang masaklap pa ‘non ay ako pa ang sumalo ng mga nagawa n’yang problema. Madami na nga akong problema ay dinagdagan pa n’ya dahil sa aksidenteng nangyari sa kanya. Pag tagala nagkita ulit kami ng babae ba ‘yon ay sisiguraduhin kong sisingilin ko s’ya sa lahat ng abalang ginawa n’ya.
“Kuya malalim na naman ang iniisip mo at hindi ka nakikinig sa sinasabi namin,” sabi ni Arron sa akin kaya napatingin ako sa kanya.
“Nakikinig ako sa inyo,” sabi ko sa kanya.
“Hindi totoo kuya, ano na naman ba kasi ‘yang iniisip mo?” tanong n’ya sa akin.
“It’s none of your business Arron, gawin mo na lang ‘yang pinapa
