Nang makalabas ako sa ospital kinabukasan ay hindi na ako rin ako lumabas ng unit ko pagkauwi ko dahil mas pinili ko na lang na magpahinga. Nagkulong na lang ako dito sa unit ko at nagpapahinga, hindi pa rin masyadong gumagaling ang mga sugat ko at kailangan ko pang bumalik sa ospital para ipatanggal ang tahi sa ulo ko. Sa isang araw kailangan ko ng bumalik sa trabaho ko dahil tapos na ang suspension ko pero depende pa rin kay dad kung papasukin n’ya ako o hindi dahil alam ko pa rin na galit s’ya sa akin. Kahapon ay tumawag si abuela sa akin at kinakamusta ako pero syempre hindi ko sinabi sa kanila ang totoo, ayoko kasing malaman nila ang ginawa ni dad sa akin pati na rin ang nangyaring aksidente sa akin dahil baka mas lumalala ang sitwasyon. Ayokong mag away sila ni dad at ayokong mag ala
