Ang sarap ng naging tulog ko dahil na rin siguro puyat ako at pagod na pagod ako kahapon kaya humaba ng naginito ang tulog ko, ang komportable rin kasi ng higaan ko kahit na medyo namamahay ako kagabi tapos may dantayan pa ako ngayon. Hindi ko alam kung anong oras na at nagising na lang ako sa sinag ng araw na nagmumula sa bintana dito sa kwarto na tinutuluyan ko pero natigilan ako ng makaramdam ako ng brasong nakapatong sa bewang ko kaya naman napamulat ako ng mata ko at nanlaki ang mata ko ng may makita akong katabi sa kama na hinihigaan ko ngayon. Wala sa oras na naitulak ko ang katabi kong tao ngayon kaya naman ang ending ay nalaglag s’ya sa kama at masamang tumingin sa akin. Ako nga dapat ang magalit sa kanya kasi bigla na lang s’yang tumatabi sa akin at anong ginagawa n’ya dito sa kw
