Napatayo kaming lahat ng malaman namin na dinala si nanay sa ospital. Parang kanina lang ay nagdala pa s’ya ng makakain namin pero ngayon ay nasa ospital na s’ya. Kanina ko pa nararamdaman na hindi na maganda ang lagay n’ya pero pinili n’ya pa rin na sundan kami dito at ang layo pa ng bahay na uuwian n’ya mula dito sa pinagbibilaran namin ng palay. Mabilis namin kinamada lahat ng palay at tumakbo na kami agad papunta sa ospital. Hindi namin pwedeng pabayaan na lang si nanay ng ganon.
“Kuya ano kayang nangyari kay nanay?” tanong sa akin ng kapatid ko na si Arron.
“Hindi ko alam,” sagot ko sa kanya.
Magkasama kaming dalawa at wala kami pareha na ideya kung anong nangyari kay nanay. Alam namin na may sakit s’ya kaya nga hindi namin s’ya pinapabayaan pero makulit si nanay. Dapat pala ay n
