NAPASULYAP ako sa cellphone na kasalukuyang nasa malambot kong kama. Natukso akong tawagan si Yaya Ising.
Humugot muna ako ng isang malalim na buntong-hininga saka ako nagpasyang tumayo mula sa aking silya at naglakad patungo sa aking kama.
Dinampot ko ang cellphone at pinakatitigan iyon ng ilang minuto. Nahiga ako sa malambot na kama at pumikit. Dinama ko ang mabilis na pagtibok ng aking puso. Hindi pa rin ito tumitigil sa mabilis na pagtibok dahil sa muntik na akong mahuli kanina ni Royce na naka-silip mula sa bintana ng aking silid. Hindi kaya ito magduda?
Makalipas ang diyes minutos narinig ko ang tinig ni Royce sa labas ng aking pinto. What the!
"Aling Mel, do you know who occupied the additional room in the maid's quarter?"
"Wala naman po, sir. Bakit po?" Narinig ko ang boses
