Nessie's pov
WALA sa plano niya ang pumunta ng night club dahil may event siya kinabukasan. Ilang tao din ang kailangan niyang pagandahin kaya tiyak na ngarag ang kagandahan niya bukas.
Ang plano niya ay matulog nang maaga pagkatapos magsara ng salon pero nakatanggap siya nang tawag mula sa dating kasintahan, kay Niel. Gusto nitong pakipagkita sa kanya pagkatapos nitong humingi ng space upang makapag-isip.
Nang una ay ayaw niya sanang pumayag pero dahil umaasa rin siya ay pumayag na rin siya. Kapag mahal mo talaga ay handa ka pang umasa kahit pa walang kasiguraduhan.
Tulad ng kaibigang si Mercilita ay nasasaktan din siya. Hindi naman lahat ng bakla ay okay lang na lokohin. Likas lang na matatag siya kahit pa durog na durog na ang kanyang puso. Minahal niya si Neil nang higit pa sa kany
