Chapter 13
Patricia
Habang humihikbi ako panay naman ang buntong hininga ng malalim ni Jason.
"Pwede bang tumigil ka na sa kakaiyak? Nakakarindi ang boses mo. Tumayo ka na riyan at umuwi na tayo," utos niya sa akin.
Subalit nakaupo pa rin ako at patuloy na umiiyak. Hindi ko alam kung saan ako pupunta kapag hiniwalayan niya ako. At hindi ko rin alam kung paano magsisimula dahil lahat ibinigay ko sa kaniya na halos wala ng matira sa akin.
"Sabi ng tumayo ka na riyan para makauwi na tayo!'' mariin niyang utos sa akin.
"Mauna ka na. Dito muna ako," umiiyak kong sabi sa kaniya.
"Hozz!" Bumuntong hininga ulit siya ng malalim. "Hali ka na umuwi na tayo sa bahay! Nagugutom na ako!" sabi niya sa akin.
Ilang sandali pa nagulat na lang ako nang bigla niya akong binuhat at pinasan.
"Ano ba
