Chapter 11
Jason
"Ano ba ang plano mo Jason, sa Patricia na iyan? Hindi ba sabi ko sa'yo alipinin mo siya? Palabahin mo siya ng mga damit mo! Pahanapin mo siya ng mga panggatong sa gubat. Paigibin mo siya ng tubig. Hindi 'yong ikaw ang nag-iigib ng tubig niyo. Patulungin mo siya sa amin ng Papa mo sa pagbubunot ng mani bukas Magha-harvest na kami ng mga mani. Baka naman nakalimutan mo na kung ano talaga ang tunay na pakay mo sa kaniya?" sabi sa akin ni Mama kanina pagkatapos kong kumain.
"Ma, ginagawa ko naman ang lahat para makapaghiganti tayo sa pumatay kay Lalaine. Sapat na siguro na nahihirapan si Patricia ngayon sa piling ko. Sapat na siguro na tumira siya sa maliit na bahay, malayo sa kabihasnan, at malayo sa nakagisnan niya," sabi ko kay Mama.
"Hindi sapat iyon, Jason. Nawala a
