ILANG ULIT napabuntung-hininga si Zahra habang patungo sa kanilang kumpanya. Ngayon ang araw kung kailan niya kailangan harapin ang taong nagbabalik mula sa kanyang nakaraan. Ang taong pinilit niyang kalimutan pero heto parang bangungot na ayaw siyang tantanan.
What a twisted life she has!
Nang huminto ang sinasakyan ay napabaling ang tingin niya sa labas ng bintana. Wala man nagbago sa kumpanya nila. Pero aaminin niya na mas lumago ang kita nito. Hindi naman ipinagkait sa kanya ni Lorenzo ang mga impormasyon tungkol sa kumpanya nila kaya kahit paano ay updated siya.
Hindi lang hinayaan ni Lorenzo na magtrabaho siya dahil hindi niya raw kailangan. Kaya daw siyang buhayin nito. Pero ang totoo, ayaw lang mapuna ito ng mga tao. Oo nga naman, kilala ang asawa niya sa larangan ng negosyo.
