KABANATA 34: Scared
MARAMI akong bagay na ginawa sa nakaraang pinagsisisihan ko. Mga desisyong ginawa ko dahil sa pagiging padalos-dalos ko o mga desisyong puso ang pinagana ko imbes na ang isip ko. Habang pinagmamasdan ko si Yuan Lee na nakatulog na sa upuan na nasa gitna ng mga kama nila Blake iniisip ko kung isa rin ba siya sa pinagsisihan ko.
Kung totoo ang time machine at makakabalik ako sa nakaraan. Pipigilan ko kaya ang sarili kong mahulog sa kanya. Iiwas na ba agad ako sa kanya?
Oo! Dapat lang ayon ang gawin mo.
Pero…
Kung ginawa ko ‘yon, nasaan ang kambal ko?
“Ang gwapo ano, Ate? Talaga bang siya tatay nila Blake?”
Napapitlag ako sa gulat sa biglaang nagsalita sa gilid ko. Ngali-ngaling ibuhos ko kay Cresia ang inaabot niyang umuusok na kape sa akin.
Tumikhim ako. “Bru
