MULING sumuntok ang nilalang na umaatake kay Mars mula sa dilim at sa pagkakataong ito ay nabigla na siya. Hindi niya tinamaan ang binata na mabilis na gumalaw pakaliwa kasabay ng mga paa nito.
“Kung hindi ka gagamit ng elemental na kapangyarihan, hindi mo ako matatalo,” winika naman ni Mars na mabilis na ikinuyom ang kanang kamao. Ang kanang paa naman niyang nasa hulihan ay mabilis na humakbang pauna kasabay ng malakas niyang suntok. Dito ay naramdaman niya na may tinamaan siya at alam niyang dalawang magkasanggang mga bisig ito.
Habang nakapikit ang mga mata ni Mars sa gitna ng kadiliman ay tahimik niyang pinapakinggan ang paghinga at paggalaw ng kalabang hindi niya nakikita. Dahil nga nasangga nito ang kanyang suntok ay ikinuyom naman niya ang kanyang kaliwang kamao para pasunda
