SINO ba ang unang aatake sa isang labang grupuhan? Sino ba ang dapat manguna sa gagawing pag-atake? Dahil ginawa nilang lider si Mars ay naisip ng binata na siya ang dapat manguna sa labang ito. Isa pa, hindi siya dapat protektahan dahil ang dapat gawin na kanyang mga kasama ay ang alalayan siya sa gagawin niya sa bawat pakikipaglabang mapagdadaanan nila.
Nilampasan ni Mars ang kanyang mga kasamahan habang dala-dala ang espadang Yama. Hindi alam ng binata ang magagawa ng espada, pero alam niyang hindi siya papabayaan nito. Mula sa kanyang kanang bahagi ay buong-lakas niyang isinalubong ang sandata niyang ito papunta sa papalapit na boro mula sa ere.
Sa pagwasiwas niya sa espada paitaas ay siya namang pagkagulat ng mga kasamahan niya nang isang malakas na pwersa ang nilikha noon. Ka
